نئی دہلی(این این آئی)بھارت میں مبینہ طور پر کالے جادو سے پڑوسیوں کو قتل کرنے کے الزام میں 2 افراد کو زندہ جلا کر ہلاک کردیا گیا۔غیر ملکی میڈیا کے مطابق بھارت کی مشرقی ریاست اڑیسہ کے ایک گاؤں میں دیہاتیوں نے 2 افراد پر کالے جادو کے ذریعے اپنے پڑوسیوں کو قتل کرنے کا الزام لگایا اور ان کو بری طرح تشدد کا نشانہ بنانے کے بعد زندہ جلا کر ہلاک کردیا۔پولیس کے مطابق مقتول گذشتہ روز ہی گاؤں واپس لوٹے تھے جب انھیں دیہاتیوں نے پکڑا اور تشدد کا نشانہ بنایا۔ضلع گاجاپاتی کے ڈپٹی پولیس چیف سنتوش کمار مشرا نے کہاکہ دیہاتیوں نے ان پر الزام لگایا کہ انھوں نے کالے جادو کی مدد سے 4 دیہاتیوں اور ایک بچے کو ہلاک کیا۔پولیس کے مطابق اقعے میں ملوث 7 افراد کو گرفتار کرکے تفتیش کا آغاز کردیا گیا ہے۔