واشنگٹن/ماسکو (نیوز ڈیسک) امریکی وزیر خارجہ جان کیری نے کہا ہے کہ امریکی فوج کو یہ حق حاصل تھا کہ وہ ان روسی طیاروں کو گرا سکتی تھی جو اس کے بحری جہاز کے انتہائی قریب سے گزرے تھے۔ میڈیا رپورٹ کے مطابق امریکی حکام نے بتایا کہ دو روسی جنگی جہازوں نے پیر کو امریکی میزائل شکن جہاز کے قریب پروازیں کیں ¾ روس کی وزارتِ دفاع کا کہنا ہے کہ دی سکوئی ایس یو 24 نامی جنگی جہاز حفاظتی تدابیر اختیار کرنے کے بعد واپس چلے گئے تھے۔جان کیری نے واقعہ پر تنقید کرتے ہوئے کہا کہ اس حوالے سے ماسکو سے رابطہ کیا گیا امریکی وزیر خارجہ نے میامی ہیرالڈ اور سی این این ایسپونال کو ایک مشترکہ انٹرویو دیتے ہوئے کہا کہ ہم اس قسم کے رویے کی مذمت کرتے ہیں جان کیری کے مطابق روس کا یہ اقدام لاپرواہی، اشتعال انگیز اور خطرناک تھاانہوںنے کہاکہ روس کو اس خطرے کے بارے میں اس سے قبل امریکی حکام نے کہا تھا کہ دو روسی جنگی جہازوں نے امریکی میزائل شکن جہاز کے قریب 12 بار جارحانہ پروازیں کیں۔حکام کے مطابق دی سکوئی ایس یو 24 نامی جنگی جہاز بین الاقوامی پانیوں میں امریکی میزائل شکن جہاز کے بہت قریب آ گئے تھے۔حکام کے مطابق ان جنگی جہازوں پر کوئی ہتھیار نہیں تھا اس لیے ان کے خلاف کوئی کارروائی نہیں کی گئی تھی ادھر روس کی وزارت دفاع نے ایک بیان میں کہا ہے کہ امریکی جہاز روس کی بحریہ کے پاس سے گذر رہا تھا۔