واشنگٹن(نیوزڈیسک) امریکا میں ایک 19 سالہ نوجوان نے اپنی والدہ اور معروف صحافیہ اسٹاسی فاؤسیٹ اور اپنے سترہ سالہ بھائی کو قتل کرنے کے بعد خود کشی کر لی۔عرب ٹی وی کے مطابق بیٹے کے ہاتھوں ماں کے قتل کا یہ ہولناک واقعہ امریکی ریاست ٹیکساس میں پیش آیا جہاں ٹی وی ٹاک شو کی میزبان 45 سالہ فاؤسیٹ کو اس کے بیٹے میکن اوٹو جونیر نے چاقو کے پے درپے وار کرکے اپنی ماں اور سترہ سالہ بھائی کو قتل کر دیا۔ والدہ اور بھائی کو قتل کرنے کے بعد مبینہ قاتل نے اسی آلہ قتل کے ساتھ خود کشی کی خوشش کی، زخمی حالت میں قاتل نے پولیس کی ایمرجنسی سروس 911 کو فون کر کے واقعے کے بارے میں بتایا، پولیس نے موقع پر پہنچ کر ملزم کو پکڑنے کی کوشش کی تاہم وہ زخموں کی تاب نہ لاتے ہوئے خود بھی ہلاک ہو گیا۔پولیس کے پہنچنے تک امریکی صحافیہ اور اس کا جواں سال بیٹا دوسرے بیٹے کے ہاتھوں لقمہ اجل بن چکے تھے تاہم قاتل شدید زخمی حالت میں تھا۔ پولیس نے اسے اسپتال پہنچانے کی کوشش کی مگر وہ بھی زیادہ دیر زندہ نہیں رہا اور زخموں کی تاب نہ لاتے ہوئے دم توڑ گیا۔پولیس کا کہنا ہے کہ اسے شبہ ہے کہ یہ قتل اوٹو جونیر نے کیے ہیں تاہم مقتول لڑکوں کی ایک چچا زاد کا کہنا ہے کہ اوٹو کو ایک سال قبل دماغی عارضہ بھی لاحق ہوا تھا اور اس کے بعد اس کی عجیب وغریب حرکات بھی نوٹ کی گئی تھیں۔