اسلام آباد(سپیشل رپورٹ)سعودی عرب کے دور دراز جنوبی علاقوں میں معمر مردوں کی نامعلوم خواتین سے شادیوں کا مسئلہ سامنے آنے کے بعد وزارت داخلہ نے خبردار کردیا ہے کہ شہری غیر قانونی طور پر مملکت میں مقیم خواتین سے شادی نہ کریں۔ سعودی گزٹ کے مطابق وزارت کا کہنا ہے کہ قانونی شناخت رکھنے والی خواتین سے شادی تکلیف دہ مسائل کا سبب بن سکتی ہے لہذا اس سے مکمل پرہیزکریں۔ وزارت نے یہ بھی واضح کیا ہے کہ بلا اجازت غیر ملکی خواتین سے شادی کرنے والوں کو سزا کا سامنا کرنا پڑے گا۔