اسلام آباد(نیوز ڈیسک)اسرائیلی حکومت نے مقبوضہ مغربی کنارے پر 300 گھر بنانے کی منظوری دے دی ہے۔ اسرائیلی سپریم کورٹ نے مغربی کنارے میں بنی آبادیاں مسمار کرنے کا حکم دیا تھا۔تفصیلات کے مطابق مقبوضہ مغربی پٹی فلسطین اور اسرائیل کے درمیان حالیہ کشیدگی کی ایک بڑی وجہ ہے۔ اقوام متحدہ کی قرار داد کے مطابق مقبوضہ مغربی پٹی پر اسرائیل کی جانب سے کوئی بھی آبادی بنانا غیر قانونی ہے۔ چند دن قبل اسرائیلی سپریم کورٹ نے مغربی پٹی پر بنی دو اسرائیلی آبادیوں کو گرانے کا حکم دیا تھا لیکن اسرائیلی حکومت نے عالمی قوانین کی خلاف ورزی کرتے ہوئے متنازعہ پٹی پر تین سو گھر بنانے کی با ضابطہ منظوری دی ہے۔