واشنگٹن (نیوزڈیسک)امریکی وزیر خارجہ جان کیری نے اسرائیل کو خبردار کیا ہے کہ ایران پر اسرائیل کی جانب سے حملہ سنگین غلطی ہوگا۔غیر ملکی میڈیا کے مطابق امریکی وزیرخارجہ جان کیری نے کہا کہ ایران کے ساتھ حالیہ جوہری ڈیل سے اسرائیل محفوظ ہوا ہے، تاہم اگر اسرائیل ایران پر کوئی فوجی یا سائبر حملہ کرتا ہے تو اس کے اسرائیل اور پورے خطے کے لیے نہایت خطرناک نتائج برآمد ہو سکتے ہیں۔ انہوں نے کہا کہ اسرائیل کو جوہری معاہدے کی حقیقت کو تسلیم کرلینا چاہیے۔ امریکی وزیر خارجہ نے کہا کہ جوہری معاہدے سے ایران جوہری ہتھیاروں کی افزائش نہیں کرسکے گا جس سے خطے میں امن قائم ہوگا۔