اسلام آباد(مانیٹرنگ ڈیسک)ملک کے پسماندہ علاقوں میں گرمیوں کے موسم کے دوران لوگوں کاپھوڑے پھنسیاں سے اکثر سابقہ ہوتا ہے۔ یہ بہت تکلیف دہ ہوتی ہیں۔ پھوڑے اور پھنسیاں کیوں ہوتے ہیں اور ان کا علاج کیا ہے؟ آئیے آپ کو بتاتے ہیں۔ پھوڑے ایک خاص قسم کے بیکٹیریا کی وجہ سے نکلتے ہیں جو جسم سے اینٹی باڈیز کے خارج ہونے میں رکاوٹ بنتے ہیں جس سے
جلد پر پھوڑے بن جاتے ہیں۔جیسے ہی کسی کو پھوڑے یا پھنسیاں نکلنی شروع ہوں گھر میں ہی اس کا علاج شروع کر دیا جانا چاہیے۔ جتنی جلدی علاج شروع ہو گا اتنی ہی جلدی ان سے چھٹکارہ ممکن ہو سکے گا۔گھر میں درج ذیل طریقے سے ان کا علاج کیجیے۔ دن میں 3مرتبہ ان پر نمک کی ٹکور کیجیے۔ ٹکور ہر بارکم از کم 30منٹ تک کی جانی چاہیے۔آپ نمک کی بجائے گرم پانی سے بھی پھنسیوں کی ٹکور کر سکتے ہیں، اگر یہ جسم کے نچلے حصے میں ہیں تو ٹب میں نیم گرم پانی لیجیے اور اس میں بیٹھ جائیے۔ نمک کی ٹکور یا گرم پانی سے دوران خون بڑھ جائے گا جس سے پھوڑوں اور پھنسیوں میں موجود پیپ جلد باہر نکل آئے گی اور یہ جلد خشک ہو کر ٹھیک ہو جائیں گی۔ چائے کی پتی کا تیل بھی ان کے علاج میں بے حد مفید ثابت ہوتا ہے۔ یہ تیل پھوڑوں پر دن میں ایک مرتبہ لگائیے، پھوڑے پر تیل لگانے کے بعد روئی سے اس کا ہلکا سا مساج کیجیے۔اگر پھر بھی آپ کے پھوڑے سے پیپ خارج نہیں ہو رہی تو اسے کپڑے سے ڈھانپنے کی بجائے کھلا چھوڑ دیں۔ ہوا لگنے سے پیپ جلد خارج ہو جاتی ہے۔ پھوڑے پھنسیاںجسم پر پھیل بھی سکتے ہیں، جسم پر جہاں جہاں ان کی رطوبت لگے وہاں نیا پھوڑا نکل آتا ہے۔ اس سے بچا کے لیے پھوڑے کو ہاتھ لگانے کے بعد ہاتھوں کو اچھی طرح دھوئیں۔ پھوڑے کی جگہ کو گرم پانی سے صاف رکھیں اور اس کی رطوبت باقی جسم پر نہ لگنے دیں۔ دیگر افراد پھوڑے پھنسیوں والے شخص کا تولیہ ہرگز استعمال نہ کریں۔ہر بار پھوڑوں کو دھونے کے بعدنیا تولیہ استعمال کریں اور نئے کپڑے پہنیں۔
