لاہور (مانیٹرنگ ڈیسک) لاہور کے جناح اسپتال میں کانگو وائرس کا مریض زندگی کی بازی ہار گیا ۔اسپتال ذرائع کے مطابق کوٹ رادھا کشن قصور کا رہائشی 16 سالہ ظہیر کو کانگو وائرس کی تصدیق ہونے پر چند روز قبل لاہور کے جناح اسپتال لایا گیا تھا جہاں وہ زیر علاج تھا۔گزشتہ شام ظہیر جاں بحق ہو گیا اور اس کی میت رات گئے ورثاء کے حوالے کر دی گئی۔

رواں سال پنجاب میں کانگو وائرس سےجاں بحق ہونے والوں کی تعداد 5ہو گئی ہے۔جبکہ دوسری جانب ملک بھر سے کورونا کے مزید 535 کیسز اور 12 ہلاکتیں رپورٹ ہوئی ہیں جن میں سندھ سے 373 کیسز اور 7 اموات، پنجاب 129 کیسز 3 ہلاکتیں، اسلام آباد 15 کیسز ایک ہلاکت، گلگت 11 کیسز ایک ہلاکت اور آزاد کشمیر سے 7 کیسز سامنے آئے ہیں۔