آپ پاکستان میں ہو، چین، جنوبی کوریا، امریکا، انگلینڈ یا کسی افریقی ملک میں ہر جگہ کی زبان مختلف ہوگی مگر کیا آپ کو معلوم ہے کہ ایک لفظ ایسا ہے جو بہت عام ہے اور پوری دنیا میں اس کا مفہوم بھی ایک ہی مانا جاتا ہے؟ اور وہ لفظ ہے ‘ہونہہ(huh) ‘۔

جی ہاں یہ دلچسپ انکشاف نیدرلینڈ کے میکس پلانک انسٹیٹوٹ نے اپنی ایک حالیہ تحقیق میں کیا ہے۔

جیسا آپ کو معلوم ہی ہے کہ دنیا بھر کی زبانیں ایک دوسرے سے بالکل مختلف ہیں اور ان کے الفاظ بھی معنی کے اعتبار سے مختلف ہوتے ہیں مگر ‘ہونہہ(huh) ‘ ایسا لفظ ہے جسے عالمگیر حیثیت حاصل ہے جو عام طور پر بیزاری یا کسی سے وضاحت طلب کرنے کے لیے استعمال کیا جاتا ہے اور ہر ملک میں کیا جاتا ہے۔

تحقیق میں بتایا گیا ہے کہ ‘ہونہہ(huh) ‘ ہوسکتا ہے کہ سننے میں بیزاری یا تکلیف جیسے جذبات کا اظہار لگے مگر اس کا مطلب سننے والے ایک ہی طرح لیتے ہیں۔

تحقیق کے دوران 31 مختلف زبانوں میں اس لفظ کے استعمال اور پھیلاﺅ کا جائزہ لیا گیا اور یہ معلوم ہوا کہ اسے ہمیشہ ایک ہی مقصد کے لیے استعمال کیا جاتا ہے۔

محققین کا کہنا ہے کہ ‘ہونہہ(huh) ‘ سننے میں بیشتر زبانوں کے الفاظ سے مختلف ہوتا ہے اس لیے یہ سننے والے کی توجہ اپنی جانب مرکوز کرالیتا ہے۔