پیرس۔۔۔۔فرانس کے ایلپس پہاڑی سلسلے میں شدید برف باری کے سبب تقریباً 15 ہزار گاڑیاں پھنس کر رہ گئی ہیں، اور بہت سے ڈرائیوروں کو رات اپنی گاڑیوں میں ہی گزارنا پڑی۔ایک شخص اس وقت ہلاک ہو گیا جب اس کی کار پھسل کر کھائی میں جا گری۔دوسرے ہزاروں افراد نے ہنگامی پناہ گاہوں، سکولوں اور کمیونٹی سنٹروں میں رات گزاری۔مقامی حکام نے خبردار کیا ہے کہ اگر کسی گاڑی کے پہیوں پر برف کی زنجیریں نہ ہوئیں تو اسے سکی ریزورٹ کے راستے ہی سے لوٹا دیا جائے گا۔فرانسیسی میڈیا کے مطابق چھٹی منانے کے لیے سکی ریزورٹ جانے اور آنے کے راستے میں ٹریفک رک گیا ہے۔فرانس نے نارنجی سطح کے سخت موسم کی پیش گوئی جاری کی تھی۔ اس کے باوجود مقامی حکام موٹروں سے آنے والے تمام سیاحوں کو رات قیام کروانے میں ناکام رہے۔موسم کی خرابی کے لیے نارنجی سطح کی وارننگ اس وقت جاری کی جاتی ہے جب متاثرہ علاقے کے لوگوں کو خطرات کے پیش نظر تیار رہنے کے لیے کہا جاتا ہے۔ یہ سرخ وارننگ سے قدرے کم سخت وارننگ ہے۔رات میں تقریباً 20 انچ برف پڑی ہے۔حکومت نے ڈرائیوروں کو ’انتہائی احتیاط برتنے‘ کی ہدایات جاری کی ہے اور اس کے ساتھ سفر سے جہاں تک ممکن ہو، گریز کرنے کو کہا ہے۔فرانسیسی اخبار لا موند کے مطابق برف کے متعلق واقعات میں پورے فرانس میں تین افراد کی موت ہو گئی ہے۔شٹٹگارٹ میں برفباری کے سبب 25 کلومیٹر لمبا جیم ہو گیا۔اطلاعات کے مطابق برفباری کا موسم فرانسیسی ایلپس میں اتوار کو بھی جاری رہے گا جبکہ اس کے بعد کا ہفتہ منجمد کرنے والا ہوگا۔ فرانسیسی محکمہ موسمیات کے ادارے کے مطابق پیرس کو تقریباً ایک سال بعد کہر اور پا لے والے سرد موسم کا سامنا ہوگا۔سنیچر کو سیووئے کے علاقے میں مقامی جم اور کمیونیٹی ہال کو پناہ گاہ کے طور پر استعمال کرنے کے لیے کھول دیا گیا ہے۔برفباری اتنی اچانک تھی کہ دیکھتے ہی دیکھتے گلاب اس کی زد میں آ گیا۔ایک ویب سائٹ کے مطابق چیمبری نمائش کے مرکز میں پناہ حاصل کرنے کے لیے موٹرسوار بڑی تعداد میں آئے تھے۔برطانوی ڈرائیور گیون رگبی نے بی بی سی کو بتایا کہ وال دا ایسرے سے بورگ سینٹ مورس جانے کے لیے انھیں 11 گھنٹے لگے جبکہ عام حالات میں یہ سفر نصف گھنٹے میں طے کیا جاتا ہے۔

ہالینڈ میں بھی برفباری کے سبب میدان پر سفید چادر بچھی نظر آتی ہے
رگبی کے مطابق رات میں تقریباً نصف میٹر برفباری ہوئی۔ دوسری جبکہ تیز ہواؤں کی وجہ سے کیلے کی بندرگاہ کو بند کر دیا گیا۔
جرمنی میں بھی برف باری سے سڑکیں متاثر ہوئی ہیں۔ شٹٹگارٹ میں برفباری کے سبب 25 کلومیٹر لمبا ٹریفک جیم ہو گیا۔