سعودی عرب میں منشیات اسمگلنگ کے جرم میں ایک اور پاکستانی کا سرقلم کردیا گیا۔
غیر ملکی خبر رساں ادارے کے مطابق سعودی عرب کے مشرقی صوبے میں منشیات اسمگلنگ کے جرم میں ایک اور پاکستانی کا سر قلم کردیا گیا، سعودی وزارت داخلہ کا کہنا ہےکہ پاکستانی شہری اسماعیل خان بڑی تعداد میں منشیات اسمگلنگ میں ملوث تھا جس کی سزا ثابت ہونے پر اس کا سر قلم کیا گیا ہے۔
واضح رہے کہ سعودی عرب میں رواں سال 85 غیر ملکیوں کے سر قلم کیے گئے ہیں جن میں 12 پاکستانی شامل ہیں جنہیں ماہ اکتوبر سے اب تک سزائے موت دی گئی ہے۔
