خیبر ایجنسی: وادی تیرہ میں فضائی کارروائی میں 57 دہشت گرد ہلاک اور ان کے کئی ٹھکانوں کو تباہ کردیا گیا۔

آئی ایس پی آر کے مطابق فضائی کارروائی وادی تیرہ کے مختلف علاقوں میں کی گئی جس میں 57 دہشت گرد ہلاک ہوگئے جب کہ  جیٹ طیاروں نے دہشت گردوں کے متعدد ٹھکانوں پر 20 حملے کئے جس میں متعدد دہشت گرد زخمی اور ان کے کئی ٹھکانوں کو تباہ بھی کردیا گیا۔

واضح رہے کہ پاک فوج نے شمالی وزیرستان میں دہشت گردوں کے خلاف آپریشن ’’ضرب عضب‘‘ کے ساتھ خیبر ایجنسی میں آپریشن ’’خیبر ون اور ٹو‘‘ بھی شروع کر رکھا ہے جس میں اب تک سیکڑوں دہشت گرد ہلاک اور ان کے متعدد ٹھکانوں کو تباہ کیا جاچکا ہے جب کہ سیکڑوں دہشت گرد سیکیورٹی فورسز کے سامنے ہتھیار ڈال کر خود کو ان کے حوالے بھی کرچکے ہیں۔