راولپنڈی: عدالت نے پاکستان تحریک انصاف کے چیر مین عمران خان کو مسلم لیگ (ن) کے رہنما حنیف عباسی کی جانب سے بھیجے گئے ایک ارب روپے کے ہرجانے کے نوٹس پر طلب کر لیا ہے۔ ڈسٹرکٹ سیشن جج راولپنڈی عبدالستار نیعمران خان کو حنیف عباسی کی جانب سے بھیجے گئے ایک ارب روپے کے ہرجانے کے دعوے پر کیس کی سماعت کی اور حنیف عباسی کی درخواست سماعت کے لئے منظور کرتے ہوئے عمران خان کو 22 دسمبر کو جواب جمع کرانے کے لئے طلب کر لیا ہے۔ واضح رہے کہ حنیف عباسی نے عدالت میں عمران خان کے خلاف ہتک عزت کیدعویٰ کیا تھا جس میں انہوں نے موقف اختیارکیا تھا کہ عمران خان نے ڈی چوک میں دھرنے کے دوران کنٹینر پر کھڑے ہوکر ان پر بے بنیاد الزامات لگائے اور مجھے منشیات فروش اور اسمگلر کہا جس سے میری ساکھ کو نقصان پہنچا