ممبئی(این این آئی)بالی ووڈ کی معروف اداکارہ شردھا کپور اور اداکار راج کمار را کی نئی ہارر کامیڈی فلم استری2 نے باکس آفس پر دھوم مچاتے ہوئے نیا ریکارڈ اپنے نام کرلیا۔بھارتی میڈیا کے مطابق فلم استری2 نے اپنی کامیاب اسٹوری لائن، ہارر اور کامیڈی کے تڑکے کی بدولت ریلیز کے صرف دو دن میں بھارتی باکس آفس پر 100کروڑ سے زائد کا بزنس کرلیا ہے۔
رپورٹ میں بتایاگیا کہ شردھا کپور اور راج کمار را کی فلم نے ریلیز کے پہلے دن 76.5کروڑ بھارتی روپے جبکہ دوسرے دن 30کروڑ بھارتی روپے کمائے، اس طرح استری 2 نے صرف دو دن میں 106.5کروڑ کا ریکارڈ توڑ بزنس کیا۔بالی ووڈ فلموں کے تجزیہ نگاروں نے پیشگوئی کی ہے کہ فلم استری 2 ہفتے اور اتوار (آج) مزید کمائی کرکے باکس آفس پر گزشتہ تمام ریکارڈز توڑتے ہوئے ایک نیا ریکارڈ قائم کرے گی۔
