کراچی (این این آئی) سابق اداکارہ عتیقہ اوڈھو نے انکشاف کیا ہے کہ ان کی تیسری شادی کروانے میں ان کے بیٹے نے اہم کردار اداکیا ہے۔ فریحہ الطاف کے پوڈ کاسٹ میں گفتگو کرتے ہوئے سابق اداکارہ عتیقہ اوڈھو نے بتایا کہ میری دوسرے شوہر جاوید کیساتھ 16برس تک شادی رہی، ہماری ایک بیٹی بھی ہے، ہماری شادی بہت مہذب انداز میں ختم ہوئی تھی۔اداکارہ نے بتایا کہ دوسری شادی ختم ہونے کے چند سال کے بعد ایک فیملی ایونٹ میں ثمر علی خان سے ملاقات ہوئی۔

انہوں نے بتایا کہ میرے بیٹے بلال نے ہماری شادی میں اہم کردار ادا کیا، اس نے مجھے بٹھا کر کہا کہ آپ بہت مشکلوں سے گزری ہیں۔ یہ شخص اچھا ہے، ہم بھی اسے پسند کرتے ہیں وہ بھی انٹرسٹڈ لگتا ہے آپ کو شادی کرلینی چاہئے جس پر میں نے بیٹے سے کہا کہ تمہاری دو بہنیں بھی ہیں وہ ہمیں بالکل پسند نہیں کرتی ہیں جس پر اس نے یقین دہانی کروائی کہ انہیں وہ دیکھ لے گا۔انہوں نے بتایا کہ اس کے بعد میں ثمر علی کو چائے پر لے کر گئی اور وہاں شادی کیلئے پرپوز کیا۔