کراچی (این این آئی)سینئر اداکارہ بشری انصاری نے بالوں کو مضبوط اور چمکدار بنانے کے لیے گھر پر اسپیشل تیل تیار کرنے کا طریقہ بتا دیا۔ بشری انصاری اپنے یوٹیوب چینل پر مداحوں کیلئے نئی ویڈیو شیئر کی ہے جس میں انہیں بالوں کو مضبوط اور چمکدار بنانے کے لیے گھر پر ایک اسپیشل تیل تیار کرتے ہوئے دیکھا جا سکتا ہے۔
اس سپیشل تیل کو تیار کرنے کے لیے ہلکی آنچ پر ناریل کا تیل، بادام کا تیل اور سرسوں کے تیل کو ملا کر گرم کرنا ہے، جب تیل گرم ہوجائے تو اس میں کڑی پتے، پیاز، لونگ، روزمیری، ایلوویرا اور کلونجی شامل کردیں۔سب اجزا تیل میں شامل کرکے اسے چند منٹ تک پکنے دیں تاکہ تمام اجزا اپنا اثر تیل میں چھوڑ دیں۔ اس ترکیب میں کڑی پتے اس لیے شامل کیے گئے ہیں تاکہ پیاز کی بو کو ختم کیا جا سکے۔
