ممبئی(این این آئی) بالی ووڈ اداکار عمران ہاشمی نے کہا ہے کہ کنگنا رناوت کی جانب سے اقرابا پروری کا الزام حیران کن ہے۔ایک انٹرویو میں بھارتی اداکار عمران ہاشمی نے کہا کہ کنگنا رناوت کے ساتھ کئی فلمیں کی ہیں اور بطور اداکار انہیں پسند کرتا ہوں تاہم کنگنا رناوت کا پوری فلم انڈسٹری پر اقرباء پروری کا الزام لگانا غلط ہے۔
انہوں نے کہا کہ فلم گینگسٹر میں کنگنا کا کردار میرے کردار سے زیادہ اہم تھا، اسی فلم کی وجہ سے کنگنا کو نئی شناخت ملی اور آگے بڑھنے کے مواقع ملے۔انہوں نے کہا کہ ہوسکتا ہے انڈسٹری میں کنگنا کو کچھ برے تجربات ہوئے ہوں اور اس بنیاد پر یہ ان کی رائے ہو ،تاہم میرے خیال میں اقربا پروری سے کام لینے کو شائد ہی دوبارہ چانس ملا ہو۔انہوں نے کہا کہ انڈسٹری میں شاید کچھ لوگ نشہ کرتے ہوں لیکن اس پر پوری انڈسٹری کو مورد الزام نہیں ٹہرایا جا سکتا۔
