کراچی (این این آئی)گلوکار و اداکار عاطف اسلم نے کہا ہے کہ جو اللہ کے رابطے میں ہے وہ کبھی مایوس نہیں ہوسکتا، سب سے بڑی دولت آپ کی شکر گزاری ہے۔میڈیارپورٹ کے مطابق مختلف سوشل میڈیا پیجز پر عاطف اسلم کے ایک انٹرویو سے مختصر ویڈیو کلپ وائرل ہو رہا ہے جس میں انہیں ان لوگوں کو مشورہ دیتے ہوئے دیکھا و سنا جاسکتا جو زندگی میں مشکل حالات سے گزر رہے ہیں۔انہوں نے کہا کہ جو اللہ کے رابطے میں ہے وہ کبھی مایوس نہیں ہوسکتا، مومن کی پہلی نشانی ہی یہ ہے۔

رابطے میں کمی بیشی یا طریقہ غلط ہوسکتا ہے، ممکن ہے صحیح جگہ پہنچ نہیں پارہے ہوں گے۔انہوں نے کہا کہ جب آپ ایک دفعہ صحیح جگہ پہنچ جائیں گے اور اس نے ہاتھ پکڑ لیا تو پھر سارے معاملات درست ہوجائیں گے۔انہوں نے کہا کہ سب سے بڑی دولت آپ کی شکر گزاری ہے، انسان دنیا اور بچوں کیلئے مال و دولت کمالیتا ہے لیکن سب سے بڑی دولت شکرگزاری ہے جو اسے بہت پسند ہے۔انہوں نے کہا کہ اسے اپنی واحدانیت بہت پسند ہے جب آپ اس بارے میں بات کریں، اس کے محبوب کی بات کریں تو اسے یہ بہت پسند ہے۔ اس نے خود اپنے محبوب پر دورد بھیجا ہے اس لئے دعاء مانگتے وقت آپ پہلے اللہ کے محبوب کا ذکر کریں پھر اس کا اور پھر دعا مانگیں تو لازمی قبول ہوگی۔سوشل میڈیا پر وائرل ہونے والے مذکورہ ویڈیو کلپ کے کمنٹس میں تبصرہ کرتے ہوئے صارفن نے نہ صرف گلوکار کی تعریف کی بلکہ انہیں خوب سراہا بھی ہے۔