کراچی (این این آئی)انٹرنیٹ کی سست رفتاری کے باعث آن لائن بزنس کرنے والے ہزاروں آئی ٹی اور ای سیلرز کے اکاؤنٹس بند ہوگئے۔تفصیلات کے مطابق ملک میں کئی ہفتوں سے جاری انٹرنیٹ بحران ختم ہونے کا نام نہیں لے رہا جس کی وجہ سے نہ صرف صارفین کو پیغام رسانی میں مشکلات ہیں بلکہ ڈیجیٹل بزنس کرنے افراد بھی کام بند کرنے پر مجبور ہوگئے ہیں.
انٹرنیٹ کی کم اسپیڈ اور رکاوٹ نے پاکستانیوں کے مسائل بڑھا دیے، آن لائن بزنس کرنے والے ہزاروں آئی ٹی اور ای سیلرز کے اکاؤنٹس بند ہوگئے۔ای ٹریڈنگ کم ہونے سے ملک کو زرمبادلہ کی مد میں بھی لاکھوں ڈالرزکا نقصان ہورہاہے۔آئی ٹی ایکسپرٹ آئی ٹی اور ای کامرس ماہر قاسم ثنا رامے کا کہنا ہے کہ انٹرنیٹ کے مسائل حل نہ ہونے سے ملک کے لئے مستقبل میں کروڑوں ڈالر زرمبالہ کے راستے بند ہورہے ہیں۔
ای کامرس ایکسپرٹ ماہرین نے کہا کہ حکومت جلد سے جلد انٹرنیٹ بار بار بندش اور کم سپیڈ کا حل نکالے تاکہ آن لان بزنس کرنے والے ملک کی ترقی میں بھرپور کردار ادا کرسکیں۔یاد رہے مقبول ترین فری لانسنگ پلیٹ فارم فائیور نے اپنے صارفین کی جانب سے شکایات موصول ہونے پر متعدد پاکستانی فری لانسرز کے اکانٹس اسٹیٹس غیرفعال کر دیے تھے۔سوشل میڈیا پر پاکستانی فری لانسرز نے ایسے کئی اسکرین شاٹس شیئرکیے، جن میں ان کے فائیور اکاںٹس کوغیرفعال کیے جانے سے متعلق آگاہ کیا تھا۔
