اسلام آباد (این این آئی)وفاقی حکومت نے یوٹیلیٹی اسٹورز پر رمضان ریلیف پیکج کو ازسرنو حتمی شکل دیدی۔ذرائع کے مطابق یوٹیلیٹی اسٹورز پر رمضان پیکج کا اطلاق 10اپریل سے ہوگا اور پیکج کے تحت 7 ارب 84 کروڑ 26 لاکھ روپے کی سبسڈی مختص کی گئی ہے ، 19 اشیا پر 10 سے90روپے فی کلو
تک سبسڈی دی جائیگی۔ذرائع کے مطابق رمضان پیکج کے تحت گھی پر سب سے زیادہ 90 روپے فی کلو سبسڈی دی جائیگی، چینی پر40 روپے اور آٹے پر31 روپے 38 پیسے سبسڈی دی جائے گی جب کہ رمضان پیکج کے تحت چینی موجودہ ریٹ 68روپے فی کلو پرفروخت کی جائے گی۔ذرائع کے مطابق آٹے کا 20 کلو کا تھیلا موجودہ ریٹ 800 روپے پرفروخت کیا جائے گا، اس کے علاوہ گھی 170 روپے فی کلو دستیاب ہوگا، خوردنی تیل پر 20 اور دال چنا پر15 روپے فی کلو سبسڈی مختص کی گئی ہے، دال ماش اور دال مونگ پر 10،10روپے فی کلو کی سبسڈی دی جائیگی، دال مسور 30، سفید چنا 25، بیسن پر 20 روپے کلو سبسڈی دی جائے گی۔ذرائع کے مطابق کھجور20، چاول باسمتی، سیلا 10،10 روپے، ٹوٹا چاول پر12 روپے فی کلوسبسڈی مختص کی گئی ہے، پیکج کے تحت چائے پر 50 روپیاوردودھ پر 20 روپیسبسڈی دی جائے گی، مشروبات1500 ملی لیٹر بوتل پر25 اور 800 ملی لیٹر کی بوتل پر 20 روپیسبسڈی دی جائے گی۔رمضان پیکج کے تحت مصالحہ جات پر 10 فیصد سبسڈی دی جائے گی جب کہ رمضان پیکج کے تحت میڈیا پر آگاہی مہم کے لیے 10 کروڑ روپے مختص کیے گئے ہیں۔
