راولپنڈی(آن لائن)ریلوے مزدور اتحاد تنظیموں نے انتظامیہ کو مطالبات کی منظور ی کیلئے24دسمبرکی ڈیڈ لائن دیدی مزدوروں نے پہلے مرحلے میں 24دسمبرکو راولپنڈی کے 7ڈویثرن میں ریل کا پہیہ جام کرنے کا اعلان کر دیا بعد ازاں پورے پاکستان میں احتجاج کیا جائے گا 24دسمبرکو لاہور جلسے میں ریل کا پہیہ جام کرنے کا اعلان کیا جائے گاراولپنڈی میں مطالبات کے حق میں مزدور اتحاد کے

جلسے سے خطاب کرتے ہوئے مقررین نے کہا کہ ریلوے ملازمین نے مطالبات کی منظوری کے حصول کیلئے راولپنڈی سے احتجاج کا آغاز کر دیا ہے۔ ان خیالات کا اظہار ریل مزدور اتحاد میں شامل ریلوے کی فعال تنظیموں ریلوے لیبر یونین، ریلوے ورکر یونین(سی بی اے) ورکشاپس سپر وائزر ایسوسی ایشن،ڈپلومہ فیڈریشن کے زیر اہتمام لوکو شیڈ راولپنڈی میں مطالبات کے حق میں حتجاجی جلسے سے خطاب کرتے ہوئے کیا۔ مقررین نے کہا کہ ریلوے ملازمین نے مطالبات کی منظوری کے حصول کیلئے راولپنڈی سے احتجاج کا آغاز کر دیا ہے ریلوے کی تمام سات ڈویثرنوں میں احتجاجی مظاہرے کئے جائیں گے پورے پاکستان میں احتجاج کے بعد 24دسمبر2019کو لاہور کے احتجاجی مظاہرے میں ریل کے پہیے کو جام کرنے کا اعلان کر دیا جائے گا،اسکیلوں کی اپ گریڈیشن،ٹیکنیکل الاؤنس25فیصد پی ایل اے اور پی ایم پیکیج کے ملازمین کو کنفرم کرنے کے مطالبات ریلوے ہیڈ کوارٹر تسلیم کر چکا ہے وزارت ریلوے اور وزارت خزانہ فی الفور عملدرآمد کیلئے فیصلہ کرے ورنہ حالات خراب ہونے کی ذمہ دار فیصلہ ساز ہوں گے۔جلسہ سے محمد سرفراز،عنایت علی گوجر، میاں محمود نگیانہ، خالد محمود، رضوان ستی، رانا معصوم علی، سلامت خان،حافظ عرفان منیر، راجہ محمد اعظم، راجہ عمران، راجہ خالد،رشید بٹ، ضمیر خان، اور چوہدری آفتاب نے بھی خطاب کیا۔

موضوعات:ریلوے