فیصل آباد(آن لائن) سنٹرل ڈائریکٹوریٹ آف نیشنل سیونگز حکومت پاکستان کے زیر اہتمام 15ہزار روپے مالیت کے قومی انعامی بانڈز کی قرعہ اندازی 2جولائی بروز منگل کو فیصل آباد میں منعقد ہو گی جو رواں سال کی 19ویں جبکہ مجموعی طور پر 79ویں قرعہ اندازی ہے۔ ریجنل ڈائریکٹوریٹ آف نیشنل سیونگز فیصل آبادد ریجن کے ترجمان نے ’’اے پی پی ‘‘کو بتا یا کہ مذکورہ قرعہ اندازی کاپہلا انعام 3کروڑ روپے کا ایک ، دوسرا انعام 1کروڑ

روپے کے تین اور تیسرا انعام 1لاکھ 85ہزار روپے کے 1696انعامات ہیں۔ انہوں نے کہا کہ مذکورہ سیریز پر کل 1700انعامات دیئے جائیں گے۔انہوںنے بتا یا کہ اس ضمن میں قرعہ اندازی منگل کی صبح 10بجے سٹیٹ بینک آف پاکستان فیصل آبادکی عمارت میں ہو گی جس میں مختلف مکاتب فکر کی اہم شخصیات شرکت کریں گی۔ انہوں نے کہا کہ کمپیوٹرائزڈ قرعہ اندازی کے ذریعے شفاف طریقے سے خوش نصیبوں کا چنائو کیا جائے گا۔

موضوعات:انعامی بانڈز،قرعہ اندازی