کراچی (این این آئی)بین الاقوامی بلین مارکیٹ میں فی اونس سونے کی قیمت میں 2ڈالرکی کمی تاہم مقامی صرافہ مارکیٹوں میں فی تولہ سونامزید250روپے مہنگاہوگیا،جس کے بعد ملکی سطح پر سونے کی قیمتیں تاریخ کی نئی بلندترین سطح پر پہنچ گئیں۔آل کراچی صراف اینڈجیولرزایسوسی ایشن کے مطابق ہفتہ کو بین الاقوامی گولڈ مارکیٹ میں فی اونس سونے کی قیمت میں مزید2ڈالرکی کمی ریکارڈ کی گئی ،جس کے نتیجے میں فی اونس سونے کی قیمت1294ڈالرسے گھٹ کر1292ڈالرہوگئی ۔آل کراچی صراف اینڈ جیولرزایسوسی ایشن کے مطابق کراچی،حیدرآباد، سکھر،

ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت میں250روپے اور 10گرام سونے کی قیمت میں214روپے کامزیداضافہ ریکارڈ کیاگیا ،جس کے نتیجے میں فی تولہ سونے کی قیمت70300روپے سے بڑھ کر70550روپے اور دس گرام سونے کی قیمت60271روپے سے بڑھ کر60485روپے ہوگئی۔ہفتہ کوچاندی کی فی تولہ قیمت اوردس گرام قیمت میں استحکام رہا،جس کے نتیجے میں چاندی کی فی تولہ قیمت890.00روپے اوردس گرام چاندی کی قیمت763.00روپے پرمستحکم رہی ۔