کراچی(این این آئی)مہنگائی کے ستائے عوام کے لئے پریشانی مزید بڑھ گئی، مرغی کا گوشت300روپے کلو سے بھی تجاوز کر گیا۔تفصیلات کے مطابق بکرے اور گائے کا گوشت تو پہلے ہی عوام کی قوت خرید سے باہر ہو چکا تھا مگر اب مہنگائی کی اس دوڑ میں چکن فروش بھی میدان میں اتر آئے، صرف ایک دن میں ہی مرغی کا گوشت

18 روپے اضافے سے 301 روپے کلو تک پہنچا دیا۔زندہ مرغی 12 روپے اضافے سے 194 روپے فی کلو میں فروخت ہونے لگی جس سے عوام میں کھلبلی مچ گئی۔ ریٹیلرز کا کہنا ہے کہ طلب میں اضافے کے مقابلے اس کی رسد کم ہے جس کے باعث قیمتیں بڑھ گئیں۔ عوام مطالبہ کرتے ہیں کہ شہری انتظامیہ کو قیمتوں میں ہونے والے اضافے کا نوٹس لینا چاہئے۔

موضوعات:مرغی