کراچی(این این آئی)کراچی میں بڑے ٹیکس چوروں کیخلاف ایف بی آر نے بڑی کارروائی کر ڈالی ۔ایف بی آر کی جانب سے کراچی میں ٹیکس چوری پر 78 پراپرٹیز اور46گاڑیاں ضبط کر لی گئیں جبکہ ساڑھے 8 ارب روپے کی ریکوری بھی کی گئی ۔ایف بی آرحکام کے مطابق ریکوری کیلئے ٹیکس چوروں کے4 ہزار بینک اکانٹس بھی
منجمد کر دیے گئے ہیں جبکہ ٹیکس چوروں کی اصل آمدن کا کھوج سفری تفصیلات سمیت دیگر طریقوں سے لگایا گیا۔ایف بی آرحکام کاکہناہے کہ اب تک ٹیکس چوروں سے اصل آمدن پر ساڑھے 8ارب روپے کی ریکوری کی جاچکی ہے،،ٹیکس چوری پر اورجعلی انوائس بنانے پر 8 افراد کو حراست میں بھی لیا گیا ہے۔
