اسلام آباد (این این آئی) وزارت خزانہ نے کہا ہے کہ متحدہ عرب امارات کی طرف سے ایک ارب ڈالر کے ڈپازٹ موصول ہو ئے ہیں جن سے ادائیگیوں کے توازن میں استحکام لانے میں مزید مدد ملے گی۔ ترجمان ڈاکٹر خاقان نجیب نے کہاکہ مالیاتی انتظام کے سلسلے میں حکومتی پالیسیوں کے مؤثر نتائج اس کی اچھی حکمت عملی اور قابل بھروسہ اقدامات کی بنا پر سامنے آرہے ہیں۔
ڈاکٹر خاقان نجیب نے کہاکہ متحدہ عرب امارات کی طرف سے ایک ارب ڈالر کے ڈپازٹ موصول ہو ئے ہیں، جن سے ادائیگیوں کے توازن میں استحکام لانے میں مزید مدد ملے گی۔ ڈاکٹر خاقان نجیب نے کہاکہ ایک ارب ڈالر کے ڈپازٹ بین الاقوامی ادائیگیوں کی زمہ داری آسانی سے پوری کرنے میں معاون ہوں گے اور ان سے غیر ملکی زرمبادلہ کے ذخائر میں اضافہ ہو گا۔
