لاہور( این این آئی )رواں مالی سال کے ابتدائی پانچ ماہ جولائی تا نومبر کے دوران اشیائے خوردنی کی برآمدات میں 1.27فیصد اضافہ ریکارڈ کیا۔ادارہ شماریات پاکستان کے مطابق مالی سال 2018-19ء میں جولائی تا نومبر میں اشیائے خوردنی کی مجموعی برآمدات ایک ارب 51کروڑ 40 لاکھ ڈالر سے زائد رہیں۔جو گزشتہ مالی سال کے اسی عرصے میں کی جانے والی اشیائے خوردنی کی ایک ارب 49کروڑ 51 لاکھ ڈالر کی برآمدات سے 18کروڑ 95لاکھ 90ہزار ڈالر زائد ہیں۔رواں مالی سال کے ابتدائی پانچ ماہ
کے دوران برآمدات میں سب سے زیادہ اضافہ آئل سیڈز اور نٹس میں 140فیصد ریکارڈ کیا گیا جبکہ سبزیاں 48فیصد ، باسمتی چاول 24 فیصد، پھل 23فیصد،مصالحہ جات 11فیصد اور گوشت و گوشت کی مصنوعات کی برآمدات میں ڈیڑھ فیصد اضافہ ریکارڈ کیا گیا۔سب سے زیادہ چینی کی برآمدات میں 57فیصد کمی ریکارڈ کی گئی، تمباکو 42فیصد، دیگر چاولوں کی اقسام کی برآمدات میں 16فیصد، مچھلی کی برآمدات میں 13 فیصد اور دیگر اشیائے خوراک کی برآمدات میں 8فیصد کمی ریکارڈ کی گئی۔
