کراچی (این این آئی)پاکستان میں سونے کی قیمتوں میں اضافہ کا تسلسل جاری جمعرات کو فی تولہ سونامزید50روپے مہنگاہوگیا، جس کے نتیجے میں سونے کی قیمتیں ملکی تاریخ کی نئی بلندترین سطح 68000روپے پر پہنچ گئیں ۔آل کراچی صراف اینڈ جیولرزایسوسی ایشن کے مطابق کراچی،حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت میں مزید50روپے اوردس گرام سونے کی قیمت میں44روپے کااضافہ ریکارڈ کیاگیا،جس کے نتیجے میں فی تولہ

سونے کی67950روپے سے بڑھ کر68000روپے اور دس گرام سونے کی قیمت58256روپے سے بڑھ کر58300روپے کی بلندترین سطح پرپہنچ گئی۔جمعرات کوچاندی کی فی تولہ اوردس گرام قیمت میں استحکام رہا ،جس کے نتیجے میں چاندی کی فی تولہ قیمت880.00روپے اوردس گرام چاندی کی قیمت754.45روپے پرمستحکم ہوگئی۔آل کراچی صراف اینڈ جیولرزایسوسی ایشن کے مطابق جمعرات کو بین الاقوامی گولڈ مارکیٹ میں فی اونس سونے کی قیمت میں8ڈالرکااضافہ ریکارڈ کیاگیا،جس کے نتیجے میں فی اونس سونے کی قیمت1248ڈالر سے بڑھ کر1256ڈالرہوگئی۔