لاہور(مانیٹرنگ ڈیسک)موٹر سائیکل چلانے کے شوقین افرادکا انتظار ختم،دنیا کی مشہور کمپنی کے 2نئے ماڈل پاکستان میں لانچ ہونے کیلئے تیار۔میڈیا رپورٹس کے مطابق برطانیہ کی مشہور موٹر سائیکل بنانے والی کمپنی ’’کیوے‘‘کی جانب سے بہت جلد پاکستان میں اپنے دو نئے ماڈلز لانچ کئے جانے کا امکان ہے ۔

نئے آنے والے ماڈلز کے نام کیوے سپر لائٹ 150 اور کیوے سپر لائٹ250 ہیں۔کمپنی کی پاکستان میں چلنے والی ویب سائٹ پر نئے آنے والے ماڈلز کی تصاویر جاری کر دی گئی ہیں امید ہے بہت جلد خوبصورت ماڈل والی یہ بائیکس پاکستان کی سڑکوں پر نظر آئیں گی۔ واضح رہے کہ کمپنی کے آفیشلز کی جانب سے فی الحال اس کا  باضابطہ اعلان نہیں کیا گیا۔