لاہور( این این آئی ) ایشیا ء بحرالکاہل کے خطے کے ممالک میں دس بڑے شہروں میں کی جانے والی براہ راست غیرملکی سرمایہ کاری کے حوالے سے کراچی ساتویں نمبر پر ہے۔دنیا کے سب سے بڑے ایف ڈی آئی سینٹر آف ایکسیلنس کی رپورٹ کے مطابق خطے کے دس بڑے شہروں میں کی جانے والی غیرملکی سرمایہ کاری کے حوالے سے کراچی کا ساتواں نمبر ہے
جبکہ جاپانی شہر یوکوہاما، آسٹریلوی شہر نیوکاسل اور جاپان کے شہر اوساکا کو بالترتیب آٹھواں، نواں اور دسواں شہر قرار دیا گیا ہے۔رپورٹ کے مطابق خطے میں کم قیمتوں کے حوالے سے پانچ بڑے شہروں میں بھی کراچی کا نمایاں مقام ہے اور خطے کے دیگر پانچ بڑے شہروں کی نسبت سے کراچی کا چوتھا نمبر ہے جہاں پر صارفین کو کم قیمت پر اشیائے ضروریہ دستیاب ہیں۔
