لاہور(این این آئی) پاکستان آئل فیلڈز لمیٹڈ نے اخلاص بلاک میں تیل اور گیس کا ایک بڑا ذخیرہ دریافت کر لیا جوگزشتہپانچ سالوں میں پنجاب میں تیل اور گیس کی ایک بہت بڑی دریافت ہے۔ذرائع کے مطابق شمالی پوٹھوہار ضلع اٹک میں جنڈیال کا کنواں اسلام آباد سے تقریباً 83 کلو میٹر جنوب مغرب میں واقع ہے۔اس میں پی او ایل 80% اور اٹک آئل کمپنی 20%حصہ کی مالک ہے۔یہ بلاک مشکل مگر اچھے علاقے میں واقع ہے جس کے ارد گرد بہت سی آئل فیلڈزہیں۔
انتہائی گہرے دریافتی جنڈیال 1کنویں کا پلان کے بعد شروع کیا گیا۔ یہ کنواں 18,497فیٹکی مکمل گہرائی تک کھوداگیاتاکہ ایوثین اور پلیوثین کے کاربونیٹ ریزروائر کو ٹیسٹ کیا جائے۔ٹیسٹنگ کے دوران ایک اچھی مقدار میں تیل اور گیس دریافت ہوئی، چوک سائز40/64 انچ اور کنویں کے بہاؤ کادباؤ پی ایس آئی 3768 پر تیل کی یومیہ پیداوار 2520 بیرلز اور گیس کی پیداوار21 ملین کیوبک فٹ ہے۔ جبکہ چوک سائز 32/64 انچ اور کنویں کے بہا ؤکادباؤپی ایس آئی 5364 پر تیل کی یومیہ پیداوار 2160 بیرلز اور گیس کی پیداوار19 ملین کیوبک فٹ ہے۔اور چوک سائز 28/64 انچ اور کنویں کے بہاؤ کادبا ؤ پی ایس آئی6290 پر تیل کی یومیہ پیداوار1630 بیرلز اور گیس کی پیداوار 16.5 ملین کیوبک فٹ ہے تیل کی اے پی آئی گریوٹی تقریباً40 ڈگری اور گیس کی بی ٹی یو /ایس سی ایف 1161ہے۔ اس گیس میں 86%میتھین ، 7.2% ایتھین اور 2.9% پروپین ہے اور اس کے ہر ملین کیوبک فیٹگیس سے تقریباً 2.5 میٹرک ٹن ایل پی جی حاصل ہو گی۔ ذرائع کے مطابق اس کنویں کی پیداوار تقریباًدو ہفتوں میں شروع ہو جائے گی۔ سٹرکچرالی جنڈیال جو کہ تھرسٹیڈ اینٹی کلائین ہے اور یہ ڈھرنال فیلڈز کے شمال میں واقع ہے۔ اِس کے ریزروائیر جو کہ چورگلی ہے کا ایریا تقریباً 15 اسکوائیر کلو میٹر ہے۔ابتدائی تخمینہ کے مطابق یہ دریافت تقریباً 292 بلین سٹینڈرڈ کیوبک فیٹ گیس اورتقریباً 23 ملین بیرلز تیل کا ذخیرہ لئے ہوئے ہے۔جنڈیال کی دریافت نہ صرف ملک کی توانائی کی ضرورت کو پورا کرے گی بلکہ مستقبل میں اردگرد کے علاقوں میں تیل اور گیس کی تلاش میں بھی اس کا ایک مثبت اثر ہو گا۔
