کراچی(این این آئی)وزیر خزانہ کا نوٹس کام کرگیا ، انٹربینک میں ڈالر 2روپے 74 پیسے سستا ہوکر 105 روپے 50 پیسے پر بند ہوا، اوپن مارکیٹ میں بھی ڈالر 106 روپے 50 پیسے پر آگیا ۔اسحاق ڈار نے گزشتہ روز اچانک سے ڈالر مہنگا ہونے پر نوٹس لیا اور فوری طور پر تمام بینکوں کا اجلاس طلب کیا تھا۔اجلاس سے قبل ہی انٹربینک مارکیٹ میں ڈالر سستا ہونا شروع ہوا اور کاروبار کے اختتام پر 2 روپے 74 پیسے سستا ہوگیا ،

جس سے ڈالر 108 روپے 24 پیسے سے گر کر 105 روپے 50 پیسے کی سطح پر بند ہوا۔فاریکس ایسوسی ایشن کے صدر ملک بوستان کے مطابق انٹربینک میں ڈالر سستا ہونے کے بعد اوپن مارکیٹ میں بھی کام شروع ہوا اور اوپن مارکیٹ میں ڈالر 106 روپے میں خریدا اور 106 روپے 50 پیسے میں فروخت کیا جارہا ہے ۔ملک بوستان کا کہنا ہے کہ روپے کی قدر میں جلد استحکام آجائے گا ۔