راولپنڈی (نیوز ڈیسک )اے این ایف یوتھ ایمبیسیڈر کنونشن 16اپریل کو منعقد ہو گا۔انسداد منشیات فورس نے نوجوان نسل میںمنشیات کے نقصانات کے بارے میں شعور اجاگر کرنے کے لیے خصوصی پروگرامز کے انعقاد کے فیصلے کے تحت 16اپریل کو ٹوپی رکھ آڈیٹوریم ایوب پارک راولپنڈی میں ایک یوتھ ایمبیسیڈر کنونشن منعقد کرے گا ۔اے این ایف نے یوتھ ایمبیسیڈر کنونشن میں نوجوانوں کو 13اپریل تک آن لائن رجسٹریشن کرانے کی ہدایت کی ہے اور کہا ہے کہ کنونشن کے موقع پر طلباء،نوجوان نسل کو معاشرے سے منشیات کے خاتمے میں انسدا د منشیات فورس کا ساتھ دینے کی دعوت دی جائے گی ۔اس موقع پر نوجوانوں کو پریمئیم ،گولڈ ،سلور ،برانز اور سٹینڈرڈ یوتھ ایمبیسیڈر بننے کا موقع بھی ملے گا ۔