اسلام آباد(این این آئی)جی ایچ کیو نے صوبوں میں عام اورضمنی انتخابات کیلئے پاک فوج، رینجرز اور ایف سی دینے سے معذرت کرلی۔ جی ایچ کیو نے کہاکہ سیکیورٹی اہلکاردہشت گردی کے خدشے کے پیش نظرملک کی اندرونی اوربارڈرسیکورٹی پرمامورہیں۔ جی ایچ کیو کی جانب سے وزارت داخلہ کو

مراسلہ موصول ہوا ہے۔ اس حوالے سے ذرائع نے بتایاکہ مراسلے میں جی ایچ کیو نے موقف اختیار کیا کہ قومی اسمبلی کے 64حلقوں اورصوبوں میں انتخابات کیلئے اہلکاروں کی تعیناتی ممکن نہیں ہے۔ذرائع نے بتایا کہ مراسلے میں کہا گیا کہ صرف راجن پورمیں قومی اسمبلی کے ضمنی انتخاب کیلئے پنجاب رینجرزدوسرے حصارمیں موجود رہے گی۔ خیال رہے کہ الیکشن کمیشن نے ضمنی اورصوبوں میں عام انتخابات کیلئے پاک فوج اوررینجرزکی تعیناتی کی درخواست کی تھی۔ذرائع نے مراسلہ سے متعلق بتایاکہ جی ایچ کیو نے جواب دیا کہ سیکیورٹی اہلکاردہشت گردی کے خدشے کے پیش نظرملک کی اندرونی اوربارڈرسیکورٹی پرمامورہیں اور سیکورٹی اہلکار27فروری سے 3اپریل تک ہونے والی ڈیجیٹل مردم شماری میں مصروف ہوں گے۔ جی ایچ کیو نے صوبوں میں عام اورضمنی انتخابات کیلئے پاک فوج، رینجرز اور ایف سی دینے سے معذرت کرلی۔

موضوعات:جی ایچ کیو