سڈنی (نیوز ڈیسک) آسٹریلیا نے کہا کہ وہ اپنے ملک میں مزید شامی پناہ تارکینِ وطن کو پناہ دینے کے لیے تیار ہے۔ وزیراعظم ٹونی ایبٹ نے کہا ہے کہ آسٹریلیا ظلم کا شکار ہونے والے شام کے اقلیتی گروہوں سے تعلق رکھنے والے 12 ہزار افراد کو اپنے ملک میں پناہ دے گا۔ یہ افراد رواں سال آسٹریلیا پہنچنے والے 13 ہزار 750 پناہ گزینوں کے علاوہ ہوں گے۔ وزیراعظم ٹونی ایبٹ نے کہا کہ شام میں صورت حال بہتر بنانے کے لیے آسٹریلیا نام نہاد داعش کے خلاف جاری جنگ میں بھی اپنے کردارمیں اضافہ کرے گا۔ ایبٹ پر پناہ گزینوں کو مزید امداد دینے اور انھیں اپنے ملک میں پناہ دینے کے لیے عوامی اور سیاسی سطح پر دباو¿ میں مسلسل اضافہ ہو رہا ہے۔ حکومت مزید 4 کروڑ چالیس لاکھ آسٹریلین ڈالر اقوام متحدہ کو دے گی تاکہ شام اور عراق کے پڑوسی ممالک میں مقیم پناہ گزینوں کی براہ راست مدد کی جاسکے۔