اسلام آباد (این این آئی) پاکستان عوامی لیگ کے سربراہ شیخ رشید احمد نے کہا ہے کہ ملکی حالات انتہائی سنگین ہوتے جارہے ہیں، آصف زرداری غیر ملکی دہشت گرد ایجنٹ کے ذریعے عمران خان پر حملہ کرائیں گے،13جماعتیں الیکشن سے بھاگ رہی ہیں، گرفتاری سے عمران خان اور پی ٹی آئی بلندی پر چلے جائیں گے۔

عمران خان کی رہائش گاہ زمان پارک لاہور میں میڈیا سے گفتگو کرتے ہوئے شیخ رشید نے کہا کہ عمران خان پر غیر ملکی دہشتگرد تنظیم کے ذریعے حملہ کرایا جائے گا۔ انہوں نے کہا کہ لاہوریوں عمران خان کی جان کو آصف زرداری اور دنیا کی دہشتگرد تنظیموں سے خطرہ ہے۔انہوں نے کہا کہ یہ صوبے اور مرکز کا الیکشن اکٹھا لڑنا چاہتے ہیں، 13جماعتیں الیکشن سے بھاگ رہی ہیں، یہ عمران خان کو نااہل کرانا چاہتے ہیں، یہ عمران خان کی جان لینا چاہتے ہیں۔ انہوں نے کہا کہ عمران خان کو گرفتار کرو گے تو یہ اس کی خدمت ہوگی، کل کرتے ہو تو آج کرلو، عمران خان کی گرفتاری سے پی ٹی آئی اور عمران خان اور بلندی پر چلے جائیں گے۔ انہوں نے کہا کہ ڈالر 255کا ہوگیا تو پیٹرول کا کیا ہوگا۔ وزیر خزانہ اسحاق ڈار پر تنقید کرتے ہوئے انہوں نے کہا کہ اتفاق فاؤنڈری کا منشی کہتا تھا میں ڈالر 200سے کم کرنے آیا ہوں، آج 255ڈآلر کا خود اعتراف کر رہے ہیں کہ ہم نے قیمت 255روپے 70پیسے کی۔انہوں نے کہا لاہوریوں غریب مررہا ہے،غریب کو بچانے کیلئے باہر نکلو۔

موضوعات:شیخ رشید