اسلام آباد۔۔۔۔ سپریم کورٹ نے الیکشن ٹریبونل کے عبوری حکم کو ہائی کورٹ میں چیلنج کرنے سے متعلق درخواستوں کو خارج کردیا۔ چیف جسٹس پاکستان جسٹس ناصرالملک کی سربراہی میں سپریم کورٹ کے 3 رکنی بنچ نے شیخ رشید،رضا حیات، ریاض ملک اور افضل کھوکھر سمیت دیگر کی الیکشن ٹریبونل کیعبوری حکم کو ہائی کورٹ میں چیلنج کرنے سے متعلق درخواستوں کی سماعت کی ، درخواست گزاروں کا موقف تھا کہ الیکشن ٹریبونل کے فیصلے کو ہائی کورٹ میں چیلنج کیاجا سکتا ہے، عدالت عظمیٰ ایسا حکم جاری کرے کہ الیکشن ٹریبونل کے فیصلوں کو چیلنج کرنے کے لئے ہائی کورٹ کا فورم ختم نہ کیا جائے۔فریقین کا موقف سننے کے بعد عدالت عظمیٰ نے اپنے حکم میں قرار دیا کہ الیکشن ٹریبونل کا عبوری حکم ہائی کورٹ میں چیلنج نہیں ہو سکتا، ہائی کورٹ کو الیکشن ٹرببونل کے کسی فیصلے کو کالعدم قرار دینے کا اختیار نہیں، الیکشن ٹریبونل کیحتمی فیصلیکیخلاف اپیل متعلقہ فورم پر ہی دائرہوسکتی ہے۔