پشاور۔۔۔۔۔ ورسک روڈ پر واقع پاک فوج کے زیر انتظام اسکول پر دہشتگردوں نے حملہ کردیا ہے جس کے بعد سیکیورٹی فورسز نے علاقے کو گھیرے میں لے لیاہے اور فائرنگ کا تبادلہ وقفے وقفے سے جاری ہے۔ پشاور میں الیکشن کمیشن کے صوبائی صدر دفتر کے قریب ورسک روڈ پر واقع پاک فوج کی رہائشی کالونی سے متصل آرمی پبلک اسکول میں نامعلوم افراد نے گھس کر فائرنگ کردی۔ فائرنگ کی اطلاع ملتے ہی سیکیورٹی فورسز نے اسکول سمیت پورے علاقے کو گھیرے میں لے کر کارروائی شروع کردی ہے۔مقامی ذرائع کے مطابق اسکول میں اب بھی 4 سے 5 مسلح افراد موجود ہیں ، دہشتگردوں اور سیکیورٹی فورسز کے درمیان فائرنگ کا تبادلہ وقفے وقفے سے جاری ہے۔