ایمسٹرڈم۔۔۔۔نیندرلینڈز میں ایک نوجوان کو لینے کے دینے پڑگئے، نوجوان نے اپنی محبوبہ کو شادی کا پیغام دینے کیلئے انوکھے طریقے کا انتخاب کیا، اس نے کرائے پر ایک کرین حاصل کی جس کے ذریعے اسے لڑکی کے گھر میں واقع باغ میں اترنا تھا، لیکن اس دوران کرین خود اپنا توازن برقرار نہ رکھ سکی اور پڑوس کے مکان کی چھت پر گر گئی،کرین کے گرنے سے مکان کی چھت ٹوٹ گئی۔ تاہم کرین کو اٹھانے کے چکر میں دوسری بار پھر چھت پر جا گری اور ایک دوسرے مکان کو بھی نقصان پہنچا ، دو افراد کو عمارت سے باہر نکالا گیا اور قریبی مکانات کو خالی کروالیا گیا تاہم کوئی شخص زخمی نہیں ہوا۔