راجن پور (این این آئی)پاکستان مسلم لیگ ن کی نائب صدر مریم نواز نے کہا ہے کہ راجن پور میں سیلاب متاثرین کی تصویریں دیکھ کر دل تڑپ گیا ہے۔سوشل میڈیا پر بیان جاری کرتے ہوئے مریم نواز نے کہا کہ راجن پورکی تصویریں دیکھ کر دل تڑپ گیا، سیلاب زدگان کے پاس خودجا رہی ہوں، تمام حکومتوں اور مخیر حضرات سے اپیل ہے کہ مصیبت میں مبتلا اللّہ کی مخلوق کی خبرگیری کریں۔ایک اور ٹوئٹ میں مریم نواز نے وزیراعظم کی جانب سے بجلی کے بلوں میں صارفین کو ریلیف دینے کا خیر مقدم کیا۔ ان کا کہنا تھا کہ شہباز شریف عوام کو ریلیف دینے میں یقینا کامیاب ہوں گے۔