فیصل آباد (یو این پی) الیکشن کمیشن نے قومی اسمبلی کے حلقہ این اے 108 فیصل آباد سے امیدوار پی ٹی آئی کے سربراہ عمران احمد خان نیازی کو کاغذات نامزدگی کی جانچ پڑتال کیلئے کل17 اگست بروز بدھ کو سہ پہر4 بجے سے قبل ذاتی طور پر طلب کرلیاہے۔

اس سلسلہ میں ریٹرننگ آفیسر حلقہ این اے 108 فیصل آباد VIII و ڈسٹرکٹ الیکشن کمشنر فیصل آبادII عرفان کوثر کی جانب سے عمران احمد خان نیازی امیدوار حلقہ این اے 108 فیصل آبادکو جاری کئے گئے نوٹس میں کہا گیا ہے کہ چونکہ ان کی طرف سے ضمنی الیکشن میں حصہ لینے کیلئے کاغذات نامزدگی جمع کروائے گئے ہیں لہٰذا ان کی جانچ پڑتال اوران کے دستخطوں کی تصدیق ضروری ہے اسلئے وہ کاغذات نامزدگی اوران پر کئے گئے اپنے دستخطوں کی تصدیق کیلئے ذاتی طور پر آج بدھ کو سہ پہر 4 بجے سے قبل ریٹرننگ آفیسر کے روبرو پیش ہوں بصورت دیگر ان کی عدم موجودگی میں میرٹ پر ان کے کاغذات نامزدگی کے بارے میں فیصلہ کیا جا ئے گا۔