فیصل آباد پولیس نے فائرنگ کرنے کے الزام میں ملزم حافظ عمران کو گرفتار کر لیا ملزم کا تعلق کالعدم تنظیم سے تھا‘ ڈسپلن کی خلاف ورزی پر نکال دیا گیا تھا ۔ ذرائع کا دعوی
فیصل آباد پولیس نے آٹھ دسمبر کو پاکستان تحریک انصاف کے کارکنوں پر فائرنگ کرنے کے الزام میں ملزم حاٖفظ عمران کو گرفتار کر لیا ۔ نجی ٹی وی کے مطابق حافظ عمران کو شیخوپورہ روڈ پر بلوچنی کے علاقے سے گرفتار کیا گیا ہے جسے تفتیش کے لئے نامعلوم مقام پر منتقل کر دیا گیا۔ پولیس کے مطابق ملزم عمران واسا کا ملازم ہے اور سمن آباد کا رہائشی ہے جو واقعہ کے بعد سے روپوش تھا۔ ملزم کو تصاویر اور فوٹیجز کی مدد سے گرفتار کیا گیا۔ ایک اور نجی ٹی وی کے مطابق ملزم حافظ عمران کا تعلق ایک کالعدم تنظیم سے تھا‘ جہاں سے اسے ڈسپلن کے خلاف ورزی پر نکال دیا گیا تھا