کراچی (نیوز ڈیسک ) ورلڈ ٹیم سنوکر چیمپئن شپ کے کواٹرفائنلز آج کراچی میں کھیلے جائیں گے ، پاکستان کی تین ٹیمیں ٹائٹل کی دوڑ میں شامل ہیں۔ کراچی میں جاری ورلڈ ٹیم سنوکر چیمپئن شپ کے کواٹر فائنلز میں پاکستان کی تین ، ہانگ کانگ کی دو جبکہ ملائیشیا ، بھارت اور ایران کی ایک ایک ٹیم مدمقابل ہوگی۔ پری کوارٹر فائنل میں پاکستان ٹو نے پاکستان فور کو اور پاکستان تھری نے پاکستان ون کو شکست دی۔ ہانگ کانگ نے بحرین کو ایک کے مقابلے میں چار فریم سے زیر کیا۔ بھارت ون نے ہانگ کانگ ٹو کو دو کے مقابلے میں چار فریم سے مات دی،ملائیشیا نے بھارت تھری کو اورہانگ کانگ ون نے سعودی عرب ٹو کو شکست دے کر کواٹر فائنل کھیلنے کا اعزاز حاصل کیا۔