لاہور (مانیٹرنگ ڈیسک) زمبابوے کے بعد سکاٹ لینڈ اور آئر لینڈ سمیت متعدد ٹیمیں پاکستان میں آکر کھیلنے کیلئے تیار ہوگئی ہیں ، پی سی بی چیئر مین شہریار خان نے میڈیا سے گفتگو میں بتایا کہ اب ہم کسی ٹیم کو پاکستان میں آکر کھیلنے کیلئے دباﺅ نہیں ڈالیں گے ، زمبابوے کے کامیاب دورے کے بعد سکاٹ لینڈ ، آئر لینڈ سمیت ہانگ کانگ اور عمان بھی پاکستان میں آکر کھیلنے کے لیے تیار ہیں ، اس سلسلے میں ہماری بات ہوئی ہے ، ٹیمیں لاہور سمیت کراچی میں بھی کھیلنے کو محفوظ سمجھ رہی ہیں ، ان کا کہنا تھا کہ عمان کی ٹیم میں 9کھلاڑی پاکستانی شامل ہیں ، جلد ہی پاکستان کے میدان انٹرنیشنل میچز کی میزبانی کر رہے ہونگے۔