لاہور ( نیو ز ڈیسک) نامور اداکارہ زارا اکبر نے نجی ٹی وی چینل کے شو میں شرکت کی ۔تفصیلات کے مطابق زارا اکبر نے نجی ٹی وی چینل کے شو میں شرکت کی اور میزبان کے مختلف سوالوں کے جواب دیئے اورشاندار پرفارمنس کا بھی مظاہرہ کیا جس پر انہیں بھرپور تالیاں بجا کر داد دی گئی ۔ایک سوال کے جواب میں زارا اکبر نے کہا کہ میرا سیاست میں آنے کا کوئی ارادہ نہیں ، پیپلز پارٹی چھوڑ کر پاکستان تحریک انصاف میں شامل ہوئی مگر وہاں پر بھی قول وفعل کا کردار دیکھ کر میں نے سیاست سے دور رہنے کا فیصلہ کر لیا ۔ انہوں نے کہا کہ میرے نزدیک تمام سیاسی قائدین قابل عزت ہیں ۔ فنکار کو کبھی بھی سیاست میں حصہ نہیں لینا چاہیے اور صرف اپنے کام کی طرف توجہ دینی چاہیے ۔