ریاض(نیوزڈیسک)سعودی عرب کے جنوبی علاقے عسیر کی مسجد میں خود کش حملہ ہواہے جس میں 17افراد شہید ہو گئے ہیں جبکہ متعدد افراد زخمی ہیں,شہید ہونے والوں کاتعلق سعودی سیکیورٹی فورسز سے ہے ۔تفصیلات کے مطابقدھماکہ سعودی عرب کی اندرونی سیکیورٹی کی ذمہ دار سیکیورٹی فورس(SWAT)کے ہیڈ کواٹر میں واقع مسجد میں ہو ا،حملہ آور صفائی کرنے والے کے بھیس میں مسجد میں داخل ہوا اور خود کو دھماکے سے اڑا لیا جس کے باعث 17سیکیورٹی اہلکار کے شہید ہونے جبکہ متعدد کے زخمی ہونے کی اطلاعات ہیں ۔ ریسکیوٹیموں نے جائےحادثہ پہنچ کر زخمیوں کوطبی امداد کیلئے ہسپتال منتقل کر نا شروع کر دیا ہے جبکہ ہلاکتوں میں اضافے کا خدشہ بھی ظاہر کیا جارہاہے ۔پولیس اور دیگر سیکیورٹی ایجنسیوں کے اہلکار حادثہ کی جگہ پہنچ گئے ہیں اور زخمیوں کو ہسپتال پہنچانے کیلئے اقدام کرر ہے ہیں جبکہ علاقے کو بھی گھیرے میں لے لیا گیاہے ۔عینی شاہد کا کہناہےکہ خود کش حملہ آور صفائی کرنے والے کے لباس میں آیا اور خود کو دھماکے سے اڑا لیا