نئی دہلی (این این آئی)بھارتی ریاست کیرالہ میں 12 گھنٹے کے دوران 2 سیاسی رہنماں کو قتل کردیا گیا۔بھارتی میڈیا کی رپورٹ کے مطابق بی جے پی لیڈر رنجیت سری نواسن کو ان کی رہائش گاہ پر قتل کیا گیا ہے۔ایس ڈی پی آئی لیڈر کے ایس شان کو ہفتہ کی رات قتل کیا گیا ۔

ایس شان کے قتل کا الزام ان کی پارٹی نے انتہا پسند تنظیم آر ایس ایس پر عائد کیا تھا۔پولیس نے شبہ ظاہر کیا کہ بی جے پی لیڈر کا قتل ایس ڈی پی آئی لیڈر کے قتل کا بدلہ ہے۔ واقعے کے بعد پولیس نے کیرالہ کے ضلع الاپوزا میں دفعہ 144 نافذ کردی۔