لاہور/اسلام آباد (این این آئی)پاکستان نے جی ایس پلس اسٹیٹس میں توسیع کے لیے یورپی ارکان پارلیمنٹ کو اعتماد کا فیصلہ کیا ہے اور اس حوالے سے گورنر پنجاب چوہدری محمد سرور یورپ روانہ ہوگئے ہیں۔ میڈیا رپورٹ کے مطابق پاکستان نے جی ایس پلس اسٹیٹس میں توسیع یورپی
ارکان پارلیمنٹ کو اعتماد میں لینے کا فیصلہ کیا ہے، یورپی پارلیمنٹ کے نائب صدر ڈاکٹر فابیو نے گورنر پنجاب چوہدری محمد سرور کو دورہ یورپ کی دعوت دی ہے اور گورنر پنجاب نائب صدر یورپی پارلیمنٹ کی دعوت پر10 روزہ دورے کے لئے یورپ روانہ ہوگئے ہیں۔ذرائع کا کہنا ہے کہ وزیراعظم عمران خان نے گورنر پنجاب کو جی ایس پی پلس کے معاملے پر اہم ٹاسک سونپا ہے، اور اس حوالے سے چوہدری محمدسرور یورپی یونین کینائب صدر، مانیٹرنگ کمیشن اور ارکان پارلیمنٹ سے ملاقاتیں کریں گے۔گورنر پنجاب چوہدری محمد سرور نے کہا کہ پاکستان کو ابتک جی ایس پلس اسٹیٹس کی وجہ سے 24 ارب ڈالرز کا فائدہ ہوچکا ہے، پاکستان دشمنوں قوتوں کے عزائم کو ناکا م بنایا جائے گا، جی ایس پلس سٹیٹس میں توسیع کا معاملہ حل ہوجائے گا، افغانستان اور خطے میں امن کیلئے پاکستانی کردار بارے بھی یورپی اراکین کو حقائق بتائے جائیں گے، وزیر اعظم عمران خان کی قیادت میں پاکستان صرف افغانستان ہی نہیں پوری دنیا میں امن کی بات کررہا ہے، بھارت کے اپنے جھوٹ کو سچ ثابت کر نے کے عزائم کو یورپ میں بھی ناکام بنایا جائے گا۔
