اسلام آباد (مانیٹرنگ ڈیسک ، این این آئی)اسلام آباد کے تھانہ بنی گالہ کی حدود نیو مل میں گاڑی پر فائرنگ کے نتیجے میں 2 افراد جاں بحق ہوگئے۔ذرائع کا بتانا ہے کہ دار الحکومت اسلام آباد میں 24گھنٹوں کے دوران ایک ہی کاروباری گروپ سے تعلق رکھنے والے 2 پراپرٹی

ڈیلرز اور ان کے 2 گارڈز سمیت 4 افراد کو قتل کیا جا چکا ہے۔دوسری جانب پولیس نے واقعے کی تحقیقات کا آغاز کردیا ہے اور حکام کا کہنا ہے کہ جلد ہی ملزمان تک پہنچ جائیں گے۔دریں اثنا آئی جی اسلام آباد قاضی جمیل الرحمان کی ہدایت پر ڈی آئی جی آپریشنز کی نگرانی میں آپریشن کے دور ان قتل کے دونوں مقدمات میں 15 افراد کو حراست میں لے کر تفتیش کا عمل شروع کردیا گیا ،رات گئے تک ضلع بھر میں سنیپ چیکنگ کا عمل خصوصی طور پر ناجائز اسلحہ رکھنے والے افراد کے خلاف کیا گیا۔ ترجمان پولیس کے مطابق تمام زونل ایس پیز، ایس ڈی پی اوز، ایس ایچ اوز نے حصہ لیا ،سپنپ چیکنگ کے دوران 7 افراد کو حراست میں لے کر اسلحہ و ایمونیشن برآمد کرلیا ۔ ڈی آئی جی آپریشنز ا فضال احمد کوثر کے مطابق شہریوں کی جان ومال کی حفاظت ہماری اولین ترجیحات ہیں۔