دبئی(این این آئی)بیرون ملک پھنسے دبئی کے ویزا ہولڈرز کے ویزوں میں توسیع کردی گئی ہے۔ دبئی نے 6 ممالک کے شہریوں بشمول پاکستانیوں کیلئے سہولت کا اعلان کیا ہے۔میڈیارپورٹس کے مطابق امیگریشن اتھارٹی نے بتایا کہ دبئی کا رہائشی ویزا رکھنے والوں کے ویزوں میں 6 ماہ کی توسیع کی گئی ہے۔امیگریشن اتھارٹی نے پاکستان میں پھنسے دبئی کے ویزا ہولڈرز کے ویزوں کی معیاد 10 نومبر تک بڑھا دی ہے۔امیگریشن حکام کا کہنا تھا کہ دبئی واپسی کے 30 دن کے اندر ویزا ہولڈرز کو ویزے کی تجدید کرانا ہوگی، جبکہ ابوظبی اور دیگر ریاستوں کے ویزا ہولڈرز فیڈرل امیگریشن اتھارٹیز کے فیصلے کا انتظار کریں۔